Англид хамгийн шилдэг брэндийг шалгаруулдаг "CoolBrend 20” судалгаанд дэлхийн гар утасны зах зээлд амжилттай яваа АНУ-ын "Apple” компани шалгарчээ. 

Харин хоёрдугаарт онлайн ертөнцөд аль хэдийн өөрийн байр суурийг эзэлсэн "YouTube” сайт орсон байна. 

Гуравдугаарт Английн хамгийн тансаг брэндүүдийн нэг буюу авто машин үйлдвэрлэлийн "Aston Martin” орсон бол дөрөвдүгээрт дэлхий дахинд хэрэглэгчдийг өөртөө татаад байгаа олон нийтийн өргөн хэмжээний сүлжээ болох "Twitter” орсон байна. Харин тавдугаарт "Google” компани оржээ. 

Английн 3.000 хэрэглэгчээс авсан уг судалгааг өмнөх жилийнхтэй харьцуулбал нилээд өөрчлөлт гарсан гэнэ. Учир нь өнгөрсөн жил авто машин болоод цахилгаан барааны үйлдвэрүүд эхний байруудад орж байсан бол энэ жил топ тавын ихэнхи нь технологи тэр дундаа олон нийтийн сүлжээ сайтууд багтсан байна. 

"Шилдэг брэнд”-ийг тодруулсан уг судалгааны төлөөлөгч Стифан Келиотисийн мэдээлснээр сүүлийн жилүүдэд "YouTube”-ийн  хэрэглэгчид эрс өсч байгаа бөгөөд одоогоор "Apple”-ийн хамгийн том өрсөлдөгчийн нэг болоод байгаа аж. Гэсэн хэдий ч дэлхийн хамгийн нэртэй, шилдэг брэндээр "Apple” ийнхүү шалгарчээ. 

Ингээд эхний 20-д орсон дэлхийн шилдэг брэндүүдийг танилцуулъя. 

1. Apple
2. YouTube
3. Aston Martin
4. Twitter
5. Google
6. BBC iPlayer
7. Glastonbury
8. Virgin Atlantic
9. Bang & Olufsen
10. Liberty
11. Sony
12. Bose
13. Haagen-Dazs
14. Selfridges
15. Ben & Jerry"s
16. Mercedes-Benz
17. Vogue
18. Skype
19. Nike
20. Nikon