Анхны драмын жүжгээ өлгийдөн авч, үзэгч ажиглагчдаас сайшаал магтаалын үг харамгүй сонсоод байгаа "ТВ коктейль” хамтлагийн жүжигчин Цолмонбаяр продюссер болсон гэнэ шүү. Шинэ уран бүтээлийнхээ ажилд гар бие оролцсон ч тайзан дээр гарч тоглоогүй жүжигчин залууг "яагаад” хэмээх асуултаар "дарж” байгаа үзэгчид олон бий юм билээ. Бүр "Хоёр ертөнцийн буудал”-д дүр олдоогүй болохоор хамтлагаасаа гарах нь хэмээн хардаж эхэлсэн гэсэн шүү. Тэгвэл "ТВ коктейль” хамтлагийн нэгэн хэсэг болсон Цоомоо хамтлагаа орхихгүйгээр барахгүй тайзны анхны уран бүтээлээ бусдаас илүү анхаарч, илүү чанартай байлгахын тулд продюссерээр ажиллаж байгаа юм билээ.